“Солонгон үүлст Юн нань” үндэстний дуу бүжгийн тоглолт боллоо

БНХАУ байгуулагдсаны 70 жил, БНХАУ болон Монгол Улс хооронд дипломат харилцаа тогтоосны 70 жилийн ойг тэмдэглэх хүрээнд БНХАУ-аас Монгол улсад суугаа Элчин Сайдын Яам, Улаанбаатар дахь Хятадын соёлын төв, Юн нань мужийн Ардын гадаад орнуудтай харилцах нөхөрлөлийн холбоо хамтран “Солонгон үүлст Юн нань” үндэстэний дуу бүжгийн тоглолтыг 08 дугаар сарын 04-ний өдөр Улаанбаатар чуулга дээр амжилттай зохион байгууллаа.

БНХАУ-аас Монгол Улсад суугаа ЭСЯ-ны Элчин сайдын түр орлогч Ян Чин Дун, Монгол Улсын Уул уурхай, хүнд үйлдвэрлэлийн яамны дэд сайд болон Монгол, Хятад найрамдалт хамтын ажиллагааны нийгэмлэгийн тэргүүн Д.Загджав, Юн Нань мужийн Ардын их хурлын Байнгын хорооны дэд дарга Ян Фү Шөн, Монгол Улсад суугаа ЭСЯ-ны соёлын зөвлөх болоод Улаанбаатар дахь Хятадын соёлын төвийн захирал Ли вэй, Монгол Улсад суугаа ЭСЯ-ны улс төрийн зөвлөх   Ли Янь Жүнь, Юн нань мужийн Ардын их хурлын Байнгын хорооны дэд нарийн бичгийн дарга Дань Вэнь, Юн нань мужийн Ардын гадаад орнуудтай нөхөрлөлийн холбооны дэд дарга Чөн юнь чуань зэрэг удирдлага болон зочид тус тоглолтод хүрэлцэн ирсэн юм.

Тоглолтын үеэр

БНХАУ-аас Монгол Улсад суугаа ЭСЯ-ны   Элчин сайдын түр орлогч Ян чин дун Элчинсайд Шин хай минийг төлөөлж дэд дарга Ян фү шөн тэргүүтэй Юн наниас ирсэн багийнхныг угтаж талархал илэрхийлж, түүний дараа үг хэллээ. Тэрээр Хятад, Монгол хоёр орны ард түмэн гүн гүнзгий уламжлалт нөхөрлөлтэй, хоёр орны харилцаа Ши жинь пин даргын 2014 онд Монгол Улсад хийсэн айлчлалын дараа иж бүрнээр хурдацтай хөгжиж байна.   Энэ онд БНХАУ байгуулагдсаны 70 жилий ой мөн Хятад, Монгол хоёр орны дипломат харилцаа тогтоосны 70 жилий ой зэрэг тохиож байна.   Энэ хүрээнд тоглон хүргэх энэхүү Юнь наний уран бүтээлчдийн шилдэг тоглолт Монголчуудад Хятадын баруун урд нутгийн өвөрмөц үндэстний   урлаг, соёлыг үзүүлэхийн сацуу Хятад Монгол хоёр улсын дипломат харилцааны 70 жилийн үнэт нөхөрлөлийг тэмдэглэж буйгаараа онцлог юм. Соёл болон урлагийн харилцаагаар дамжин хоёр орны ард иргэдийн сэтгэл холбогдож, нөхөрлөл өнө удаан үргэлжлэхийг хүсэж байна.  

Элчин сайдын түр орлогч Ян чин дун үг хэлж байна

    Монгол, Хятадын найрамдалт нөхөрлөлийн нийгэмлэгийн тэргүүн Д.Загджав Юнь нань мужийн Ардын их хурлын төлөөлөгч болон урлагийн багийнханд мэнд хүргэж, үргэлжлүүлэн үг хэлэхдээ, өнгөрсөн 70 жилийн хугацаанд Монгол, Хятадын Засгийн газар болон ард түмний хамтын зүтгэлээр томоохон ажилтанд хүрчээ. Хоёр орон салбар бүрт хамтын ажиллагааны амжилт гаргахын зэрэгцээ ард иргэдэд ч үр өгөөжөө өгсөн байна. Энэ онд хоёр улсын хооронд дипломат харилцаа тогтоосны 70 жилийн ой тохиож, БНХАУ-аас Монгол улсад суугаа ЭСЯ болон Улаанбаатар дахь Хятадын соёлын төв зэрэг байгууллага тэмдэглэлт цуврал арга хэмжээг зохион байгуулж, нийгэмд сайн нөлөөг үзүүлж, Монголчуудын Хятадын соёлын тухай ойлголт ыг нэмж, чин сэтгэлийн нөхөрлөлийг мэдэрч байна. Монгол, Хятадын найрамдалт нөхөрлөлийн нийгэмлэг нь хоёр орны найрсаг харилцааг бэхжүүлэн хөгжүүлэхэд хичээж ажиллах болно. Мөн хүрэлцэн ирсэн зочдыг Монгол улсад тухтай саатан зочлохыг хүсэж байна гэлээ.

Д. Загджав үг хэлж байна

          Юн нань мужийн Ардын их хурлын Байнгын хорооны дэддарга   Ян фү шөн нээлтийн үеэр үг хэлэхдээ, Монгол улсад суугаа ЭСЯ болон Улаанбаатар дахь Хятадын соёлын төв энэхүү тоглолтыг зохион байгуулахад дэмжиж ажилласанд талархал илэрхийлэв. Мөн Юн нань муж сүүлийн жилүүдэд “Нэг бүс Нэг зам” санаачилагад идэвхтэй оролцож, Архангай аймагтай 2014 онд найрсаг харилцаа байгуулж, олон талын солилцооны хамтын ажиллагааг явуулж байна. Энэ жил БНХАУ байгуулагдсаны 70 жилийн ой, Хятад, Монгол хооронд дипломат харилцаа тогтоосны 70 жилий ой мөн Юн нань муж болон Архангай аймаг хооронд найрсаг харилцаа тогтоосны 5 жилийн ой тус тус тохиож буй энэхүү чухал үед Юн нань мужийн уран бүтээлчид Монгол улсад хүрэлцэн ирж уран бүтээлээ дээжлэн үзүүлж буй нэн чухал ач холбогдолтой юм.   Юн нань мужаас анх удаа Монгол улсад хүрэлцэн ирж тоглож буй тус тоглолтоор дамжуулан Юн нань мужийн олон үндэстнүүдийн өвөрмөц соёл, урлаг, байгалийн үзэсгэлэнт үзэмжийг ойлгож, мэдрэхийг хүсэж байна гэлээ.

Ян фү шөн дэд дарга үг хэлж байна

   Удирдлагууд үг хэлсний дараа Юн нань мужийн Үндэстний тосгоны өндөрлөг урлагийн багийн уран бүтээлчдийн шилдэг тоглолт эхэлсэн юм. Нийт 11 хөтөлбөрөөс бүрдсэн тус тоглолтод   Юн нань мужийн олон үндэстний   өвөрмөц бүжиг болох “Солонгон үүлст Юн нань”-аас гадна   Түвд,Жин Пө, Ва, Ха ни, Дай, И зэрэг үндэстний өөр өөр дуу, бүжиг мөн уламжлалт циркийн тоглолт, хөгжмийн үзүүлбэрийн тоглолт багтсан байв. Хятадын баруун өмнөд нутгийн бага ястнуудын өвөрмөц содон өмсгөл, гоёл нь үзэгчдийн сонирхлыг маш их татаж байсан юм. Хөтөлбөр бүрт үзэгчид нижигнэсэн алга ташиж байв. Тоглолтын дараа зочид уран бүтээлчидтэй хамт дурсгалын зураг татуулав.

Зочид болон уран бүтээлчид дурсгалын зураг татуулав

    Юн нань   мужийн урлагийн багийн Монгол улсад хийх тоглолтын төлөвлөгөө хэдэн жил төлөвлөгдөж, энэ жил БНХАУ-аас Монгол Улсад суугаа ЭСЯ, Улаанбаатар дахь Хятадын соёлын төв болон Юн нань мужийн   Ардын гадаад орнуудтай харилцах нөхөрлөлийн холбоо хамтран энэхүү тоглолтыг хамтран зохион байгууллаа. Юн наний урлагийн багийнхан Архангай аймагт мөн тоглох юм.

‍Бүжиг

Жин пө үнтэстний бүжиг

Түвд үндэстэний дуу

Дай үндэстэний бүжиг

Гоцлол дуу

Циркийн үзүүлбэр

И үндэстэний бүжиг

Үзэгчид